XX. mendeko Euskararen Corpus estatistikoa
Testuingurua
- Zertarako?
- Zertarako?
- Beren agintea eta indarra adierazteko.
- Horretarako beldurra eta izua behar dituzte faxistek.
- Horixe ari dira egiten Euskal Herri osoan zehar.
- Erriberan hemen Mendialdean baino ankerkeria gogorragoak egiten ari dira.
- Ni izan naizen herrian, Teresa, bazeramatzaten hogei hildako baino gehiago.
- Baina Beñat, ni herri bazter bateko neskame lotsatia besterik ez naiz.
- Egunak eta egunak lana besterik egin gabe igarotakoa.
- Zertarako iseka anker eta miserable bat ni bezalako lotsati bati?
- Faxisten leloa indarra adieraztea delako.
- Batez ere jendearengan izua sortzeagatik.
- Ez al duzu gogoan Nazario indianoak esan ohi zuena?
- Izua sortzeko?
- Bada begira, niri lotsa kendu egin didate.
- Lotsa eta fedea.
- Baina zuk Beñat, idazten ari beharrean, zaindu egin beharko zenuke zeure burua.
- Bihar zure bila etorriko dira zalantzarik gabe.
- Baina nik Eskailuri itxaron behar diot; badakizu, nirekin etorri zen miliziano horri.
- Bai, ikusi nuen zurekin batean autotik jaitsi zena.
- Baina etortzen den bitartean Xantos bera egon zen tokira eramanen zaitut.
- Baina etortzen ez bada?
- Etorriko da, etorriko da.
- Beldur gehiago ematen dit niri zuri zerbait gertatzeak.
- Niri zer egin behar didate gehiago?
- Zer?
- Jo eta hil?
- Zeure buruaz arduratu, zeure buruaz, Beñat, eta hartu beharreko neurriak, har!
- Hartuko ditut, hartuko ditut behar diren neurriak; egon lasai!
Beñatek, eseririk zegoen tokitik besoa gerri atzetik igaro zion ondoan zutik zeukan emakumeari eta kiribel xume-xumeak egiten zizkion; xirriak.
Teresak bere aurpegia eseritako gizasemearen buru gainean jarri zuen.
- Ez didazu oraindik esan zergatik ari zaren idazten gizarteko mixeria horiek.
- Begira, ohostu dizkidaten idazki zahar haietan zegoena berriro nola edo hala berridazten saiatu beharko dut.
- Idazki zahar haietan zegoen jakinduria zaintzeko ardura nuen eta horra!, ez naiz behar bezain zuhurra izan; ez dut jakin izan behar bezala zaintzen.
- Behar bada oraindik ere eskuratuko ditugu.
- Nik lagunduko nizula agindu nizun.